E enjtja i përket politikës! E gjitha nis që në orën 10:00 të mëngjesit, ku deputetët paraqiten në Kuvend dhe vijon deri në mbrëmje, ku emisionet e orës 21:00 kryesisht kanë tematika të përshtatura për to.

Deputetët meshkuj e femra, si çdo javë tjetër, kanë tërhequr vëmendje para hyrjes në “tempullin e ligjeve”. Ata shihen mjaft në formë dhe të buzëqeshur.

Disa të shoqëruar, e disa duke ecur veçmas, përfaqësuesit e popullit kanë zgjedhur këtë formë për t’u paraqitur në Parlament. Në fotot e publikuara nga LSA, bie në sy deputetja Blerina Gjylameti, ministrja Bora Muzhaqi dhe Olta Xhaçka.

Gjithashtu vëmendje ka tërhequr dhe deputetja Etilda Gjonaj. Nga burrat, Enkelejd Alibeaj dhe Saimir Korreshi ranë në sy nga radhët e opozitës. Ndërsa nga mazhoranca, ministrat Bledi Çuçi dhe Niko Peleshi, tërhoqën vëmendje.