BRITANI E MADHE – Kishte vetëm pak kohë që ishte afruar me të ëmën, pas 9 vitesh që nuk flisnin dhe tashmë Elton John ndahet përgjithmonë prej saj. Këngëtari britanik bën të ditur se Sheila Farebrother, nëna e tij mbylli sytë mëngjesin e së hënës.

70-vjeçari nuk fliste me nënën e tij prej 9 vjetësh, deri në maj të këtij viti. Ai ka postuar një foto të të dyve në Instagram ku shkruan: “Jam shumë i trishtuar t’u bëjë të ditur se nëna ime ndërroi jetë këtë mëngjes. E pashë vetëm të hënën e shkuar dhe jam shokuar. Udhë të mbarë nënë. Faleminderit për gjithçka. Do më mungosh shumë. Me dashuri, Elton”.

Në maj ai postoi një foto të të dyve në të shkuarën duke festuar rilidhjen me znj. Farebrother në Ditën e Nënës në Amerikë. “Shumë i lumtur që u lidhëm prapë. Me dashuri, Elton”, shkruante këngëtari në atë kohë.
(er.cu/BalkanWeb)