“Ajo që ndodhi të dielën është vetëm fillimi”. Pasi pushtuan fushën të dielën duke bërë që ndeshja më e rëndësishme e javës në Premier League kundër Liverpool, tifozët e Manchester United shtojnë dozat e kërcënimit. Në një deklaratë shpërndarë për mediat dhe të botuar në faqet e para të gazetave më të mëdha në vend, fansat e “Djajve të Kuq” bëjnë të ditur se nuk do të tërhiqen derisa padroni i klubit të japë dorëheqjen.
Joel Glazer është vënë në shënjestër pasi firmosi me “rebelët” e futbollit krijimin e Super League. Pas protestave të para jashtë stadiumit, tifozët e Manchster United arritën të pushtojnë fushën në sfidën e së dielës, duke detyruar shtyrjen e saj.
Tashmë, ata kërcënojnë se do të hyjnë edhe në dhomat e zhveshjes të lojtarëve. Një kërcënim që ashpërson përplasjen e tifozëve me klubin, që nga ana e tij bën të ditur se ata që do të futen në fushë, në të ardhmen nuk do të pranohen në stadium.
(balkanweb)