Protestat e dhunshme brenda në Kongres një ditë më parë, shokuan botën. Policia është detyruar të përdorë edhe armët dhe për pasojë, 4 persona kanë humbur jetën.
Mes viktimave është edhe një ish-veterane e Forcave Ajrore të SHBA, Ashli Babbitt. Ajo kishte shërbyer për 14 vite në Forcat Ajrore. Vdekja e Babbitt u konfirmua nga i shoqi dhe vjehrra.
Ata thanë se ajo ishte një mbështetëse e fortë e Donald Trump. Për momentin nuk dihen rrethanat se si Babbitt u vra, ndërkohë që policia s’ka nxjerrë ende asnjë të dhënë, madje as identitetin e viktimave.
Më parë, para se mbështetësit e Trump të sulmonin ndërtesën e Kongresit, ajo shkroi në Twitter “Asgjë nuk do të na ndalojë” dhe “Stuhia është këtu”.
“Asgjë nuk do të na ndalojë … Mund të provoj, por stuhia është këtu dhe zbret në DC për më pak se 24 orë … errësirë në dritë”, shkroi Ashlee Babbitt në Twitter.
