Kishin kaluar pothuajse tre vjet që nga hera e fundit që pamë një shfaqje live të Victoria Beckham. Por pritjes i erdhi fundi dhe stilistja britanike u rikthye fuqishëm në pasarelë me një shfaqje tejet emocionuese, e cila u zhvillua në kishën mbresëlënëse barok të Val-de-Grâce. Mbrëmjen e djeshme ajo prezantoi për herë të parë në karrierën e saj si stiliste një sfilatë në Javën e Modës në Paris dhe siç parashikohej u bë virale.
Në fund të spektaklit ajo u shfaq në pasarelë e prekur dukshëm për të përshëndetur publikun. Qëllimi i saj ishte ta shijonte në maksimum këtë moment të rëndësishëm në karrierën e saj dhe pikërisht këtë bëri. Për sezonin Pranverë/Verë 2023, ajo i qëndroi besnike kodeve klasike të markës së saj (kombinime të veçanta ngjyrash, silueta androgjene), duke shtuar elementë të rinj.
Kjo qasje “e freskët” i detyrohet, pjesërisht, ekipit të saj të ri të projektimit. “Mendoj se mund ta shihni se sa u frymëzova nga ekipi im i ri”, tha ajo pak para fillimit të shfaqjes.
View this post on Instagram
Një gjë që i mungonte shpesh koleksioneve të saj të mëparshme ishte elementi i dritës. Tani, megjithatë, kjo po ndryshon. Në koleksionin S/S 23 pamë shumë ngjyra, thekë, mini funde të kombinuara me trupa të thurura, ndërsa dorezat dhe getat latex shtuan doza ekstra dinamizmi.
View this post on Instagram
Të gjitha veshjet janë të dizajnuara për të na shoqëruar në momente argëtimi, çfarëdo që të thotë kjo për çdo person. Një tjetër element që u rikthye ishin fustanet. Dizajnerja dërgoi në pistë të gjitha llojet e fustaneve, nga modelet e satenit të prera me prerje asimetrike dhe maksi të tejdukshme të zhveshur. “Kam nisur me fustanet dhe ja ku dua të rikthehem”, ka thënë ajo.
Në fund të spektaklit, e vogla Harper Seven u fotografua duke përqafuar motrat Hadid.
