Një aksident me pasojë vdekje është regjistruar ditën e sotëm në vendin e njohur si Kthesa e Pojanit në Fier.

Një “Audi” është përplasur me një motoçikletë.

Si pasojë ka gjetur vdekjen drejtuesi i motoçikletës. Siç shihet edhe nga pamjet makina ka përfunduar në kanal anës rrugës, ndërsa motoçikleta është shkatërruar plotësisht. Gazetari Ervis Kuci raporton për BalkanWeb se bëhet fjalë për Bardh Sulajn.

“Sot rreth orës 19:10, në aksin rrugor Fier-Seman, në fshatin Hoxharë e Vjetër, një automjet tip “Audi” ka përplasur motomjetin me drejtues shtetasin B. S., 67 vjeç, banues në Dërmënas, i cili ka ndërruar jetë.

Po punohet për identifikimin dhe kapjen e drejtuesit të automjetit i cili ka braktisur mjetin dhe është larguar nga vendngjarja.

Grupi hetimor po punon për zbardhjen e rrethanave të aksidentit.”, thuhet në njoftim.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: