TIRANË

Psikoterapeuti Etion Parruca, në një lidhje telefonike për “News24” ka treguar detaje për atë se çfarë ka parë gjatë këtyre ditëve në terren, ku shumë persona dhe familje nga qyteti i Durrësit dhe Thumana kanë pasur nevojë për trajtim psikologjik.

Ai tha se të gjithë kanë përjetuar një ankth të jashtëzakonshëm, jo vetëm për rrezikun e humbjes së jetës, por edhe për faktin se lëkundjet sizmike u kanë shkatërruar pronat dhe banesat e tyre. Më tej Parruca tha se më të prekurit nga ankthi janë prindërit pasi janë të shqetësuar për sigurinë e fëmijëve.

Diçka mbi angazhimi tuaj të këtyre ditëve, çfarë keni përjetuar?

Etion Parruca: Normalisht që është një gjendje shumë e natyrshme pas situatës së tërmetit, ku ankthi dhe emocioni janë ndjesi kryesore që shumë qytetarë kanë përjetuar në familjet e tyre, personalisht, por natyrshëm kjo gjë është më e dukshme  tek familjet që kanë përjetuar dëme tek banesa, ku krahas ndjesisë për rrezikun për jetën kanë ndjesinë e humbjes së pronës së tyre, që e kanë ndërtuar me shumë vite sakrifica. Familjet, prindërit, gjyshërit, normalisht janë në një gjendje ankthi dha pasigurie për të ardhmen e tyre: si do i bëhet, ku do gjejnë strehë për fëmijët dhe ky ankth dhe pasiguria e prindërve pasqyrohet tek fëmijët. Është e nevojshme të bëhet një ndërhyrje e koordinuar dhe specializuar tek të gjitha grupmoshat”-tha mes tjerash ai.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb