TIRANE – Policia ka dhënë detaje të reja në lidhje me aksidentin e ndodhur pak më parë në Vaqarr të Tiranës, ku një person humbi jetën.
Ishte 24-vjeçari Gert Dorzi, i cilia ka humbur kontrollin e mjetit dhe ka aksidentuar për vdekje 52-vjeçarin A.M.
Në pamjet e siguruara nga gazetarja Dorjana Bezat për BalkanWeb, duket policia dhe forcat e zjarrfikëses në vendngjarje për të bërë të mundur nxjerrjen e trupave të aksidentuar Brenda në automjet.
“Në vendin e quajtur “Kthesa e Arbanës”, mjeti me targë TR 3971 J, me drejtues shtetasin Gert Dorzi, 24 vjeç, dhe pasagjer shtetasin A.H., ka humbur kontrollin e mjetit, duke aksidentuar një këmbësor A.M., 52 vjeç, ku si pasojë ka ndërruar jetë këmbësori A.M,” shkruan policia.
Ndërkohë të dëmtuar janë dhe shtetasit G.D., dhe A.H., të cilët u transportuan në spital dhe ndodhen nën kujdesin e mjekëve.
Grupi hetimor po kryen veprimet e mëtejshme për përcaktimin e shkakut të aksidenit.
(e.f/BalkanWeb)