Një gol në minutat e fundit i lejon Chelsea të ruajë serinë pozitive edhe Champions. Blutë e Londrës mundën në transfertë 1-0 Ajax Amsterdam për të kaluar një pengesë të vështirë ndaj rivalëve direktë në Grupin H.
Holandezët iu afruan avantazhit në pjesën e parë, madje e gjetën e atë me Promes në minutën e 36-të, por goli i sulmuesit u anulua nga sistemi VAR. Në fraksionin e dytë të sfidës, anglezët e drejtuar nga Frank Lampard ishin më kërkues dhe përpjekjet e tyre u shpërblyen në minutën e 86-të, kur Batshuayi shënoi golin e fitores që I jep Chelsea tri pikë të rëndësishme në misionin për t’u kuafikuar.
Nuk kishte fitues në sfidën tjetër të Grupit H, pasi Lille dhe Valencia ndanë nga një pikë pas barazimit 1-1. Mund të kishin marrë më shumë spanjollët që shënuan të parët me Cherychev në minutën e 63-të.
Kartoni i kuq i Diakhaby prishi planet e miqve, që iu iku fitorja nga duart në minutën e pestë shtesë. Ikone shpëtoi Lille nga humbja, duke I siguruar francezëve pikën e parë në këtë aventurë të Champions.
(balkanweb)