Një ditë para ndeshjes Feyenoord dhe Roma, duket se gjërat nuk kanë shkuar aspak siç pritej… Tifozët e dy skuadrave të cilët kanë nisur të mbërrijnë në Shqipëri që tre ditë parë, në orët e vona të natës kanë pushtuar rrugët e kryeqytetit duke shkaktuar jo pak trazira, ku pas sherreve në lokal, ata janë përplasur edhe me policinë.
Siç shihet edhe nga videot e siguruara nga gazetari Osman Stafa, kordonë të shumtë policie janë vendosur në pika kyçe të kryeqytetit, për të parandaluar agravimin e situatës.
Sakaq, policia e Tiranës ka bërë bilancin e natës së dhunshme në kryeqytet të krijuar nga tifozët e dy ekipeve të finales së Conference League, ku janë shoqëruar në ambientet e Policisë 60 shtetas nga grupet e tifozëve të dyja skuadrave, 48 shtetas italian dhe 12 shtetas holandez dhe vijon shoqërimi i personave të tjerë, të përfshirë në akte të dhunshme.
