Policia kolumbiane ka publikuar këtë të premte një video, e cila shfaq edhe momentet dramatike të punonjësve të shpëtimit teksa nxirrnin trupat e viktimave dhe personat e mbijetuar nga aksidenti tragjik në periferi të Medelinit.

Personi i shfaqur në këtë video është tekniku i fluturimit, Erwin Tumiri, një prej 6 të mbijetuarëve. Agjenti kolumbian i policisë, Willingtong Rodriguez, një prej të parëve që mbërriti në vendin e fatkeqësisë, përpiqet ta qetësojë, por i aksidentuari shfaqet konfuz.

“Ju dhemb stomaku?”, pyet polici. “Jo, vetëm krahët dhe shpina”, përgjigjet Erwin.

Më tej, tekniku bolivian pyet për kolegët e tij: Ku janë Alex, Angel dhe David?

Agjenti përpiqet ta qetësojë, por Tumir nis të qajë. Tekniku ishte ndër të paktët që ka mundur të zbatojë protokollin e emergjencave gjatë fluturimeve, duke i shpëtuar për mrekulli rrëzimit.

Në atë aksident ajror humbën jetën 75 persona, mes të cilëve edhe futbollistë të ekipit brazilian të Chapecoenses.

(m.k/BalkanWeb)