Një video e frikshme është duke qarkulluar në rrjete sociale. Në të shihet, se si makinat civile në Ukrainë janë duke lëvizur në një rrugë të tejmbushur me mina. Objektet shpërthyese ishin vendosur në autostradën E 373, e vendosur pranë fshatit Potashnya, në veri-perëndim të Kievit.

Justin Crump, shefi ekzekutiv i kompanisë së vlerësimit të rrezikut Sibylline, ishte më parë një komandant tankesh të Ushtrisë Britanike.

Crump thotë se ato duken të jenë mina antitank TM-62M të epokës sovjetike, që mbajnë rreth 7.5 kg eksploziv dhe janë relativisht efektive në dëmtimin e automjeteve të blinduara.

Ai thotë se minat shpërthejnë vetëm kur i nënshtrohen presionit të konsiderueshëm.

Të dyja palët po përdorin mina në këtë zonë për të parandaluar lëvizjen në fushën e betejës.

Ai thotë se një tank me një parmendë mine mund të përballet me këtë fushë të veçantë të minuar në pak minuta.

Normalisht, minat nuk do të vendoseshin në sipërfaqe si kjo ose nuk do të hidheshin në një model të parashikueshëm, nëse synonin të shkaktonin dëme dhe jo si
një parandalues vizual.

Pavarësisht planit në dukje joefektiv të fushës së minuar, Crump paralajmëron se minat e përdorura në luftë janë shumë të rrezikshme dhe paraqesin rreziqe të
konsiderueshme afatgjatë për civilët.

(BalkanWeb)