Të tjera detaje dalin në dritë në lidhje me vjedhjen e supermarketit në Sarandë, ngjarje për të cilën u arrestuan 2 persona. Gazetarja Dorjana Bezat ka siguruar për ‘BalkanWeb’ pamjet nga brenda supermarketit, ku shihen 3 persona që organizojnë vjedhjen.

Në pamjet në fjalë shihen Edmond Dusha nga Lezha dhe Bektash Cukalla nga Saranda, punonjës i marketit.
Bezat raporton se nëpërmjet kameras Bektashi ka parë shumën e lekëve në kasafortë dhe kodin dhe ka shfrytëzuar momentin që kasaforta ka pas rreth 200 milionë lekë.

  • foto galeri
  • foto galeri

Po ashtu mësohet se autorët kanë ardhur një ditë më parë në Sarandë ku i ka pritur Bektashi, i cili po montonte kamerat në ketë market dhe u ka treguar rrugën nga do hynin. Mes të tjerash mësohet se vjedhja ka zgjatur rreth një orë.

Për zbulimin e ngjarjes policia ka sekuestruar rreth 40 kamera nëpërmjet te cilave u zbuluan targat e mjeteve me te cileët u larguan autoret. Pas vjedhjes ata kanë shkuar tek shtëpia e nje te afërmi te Bektashit ku edhe bënë ndarjen e parave dhe u larguan drejt Lezhës. Ndërkohë, i përfshirë në ngjarje është dhe një person tjetër, i cili nuk është identifikuar ende. Tashme pas hekurave jane Edmond Dusha dhe Bektash Cukalla.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb