Në prag të zgjedhjeve parlamentare të 11 majit, në fshatin Tomin të Dibrës, një grup simpatizantë të PD kanë ndaluar një makinë që mendohet se po shkonte drejt zonave të thella.

PD thotë se dyshon që njerëz pranë PS po shpërndanin para dhe tollona nafte. Prokuroria dhe policia kanë shkuar në vendngjarje dhe kanë kryer  kontrolle të automjetit.

Gazetari i News24, Enver Doçi njofton se ka patur konfrontim fizik mes dy grupeve. Kjo ngjarje ka shkaktuar bllokim të aksit rrugor Peshkopi-Kukës, ku sipas gazetarit Enver Doçi, mbi 500 automjete janë në trafik. Ndërsa kandidati i PD në qarkun e Dibrës, Xhemal Gjunkshi pretendon se ka të shtëna me armë.

(BalkanWeb)