Ballkani ia ka dalë të kualifikohet në finalen e Play Off të Conference League. Pas fitores 3-2 ndaj Klaksvik, djemtë e Ilir Dajës humbën 1-2 në Ishujt Faroe. Gjithçka u vendos nga penalltitë, me kosovarët që u treguan më të saktë.
Rrahmani do realizonte gol për miqtë në minutën e 40-të për miqtë. Gjithsesi, festa do zgjaste vetëm disa sekonda, pasi arbitri do anulonte golin për pozicion jashtë loje.
Pjesa e dytë nis në mënyrën më të keqe të mundshme për Dardanët, të cilët e pësojnë nga Mikkelsen M.
Ballkani hasi vështirësi në daljen përpara, pasi vendasit ishin të vendosur mirë në prapavijë.
Në minutën e 83-të, Krasniqi do “tundtte rrjetën” për golin e barazimit. Në fund, Klaksvik do çonte gjithçka në shtesa falë golit të Da Silva.
As shtesa e parë dhe as e dyta nuk solli gol, çka bëri që të kishte penallti pas 120 minutash. Holvad dhe Danielsen gabuan nga vendasit, sakaq te Ballkani dështoi vetëm Zyba.Ekipi i Superligës së Kosovës do përballet me Shkupin në finalen e Play Off të Conference League.
(BalkanWeb)
