Lorenzo Insigne ka hyrë në borxh të madh ndaj Mario Balotelli-t pas trembjes që i ka bërë këtij të fundit në dhomën e hotelit ku po qëndron e grumbulluar kombëtarja italiane.
Futbollisti i Napolit, siç tregohet nga video e shpërndarë në rrjetet sociale, është fshehur në perden e dhomës së hotelit teksa përgatitet për ardhjen e ‘super-marios’.
Futbollisti i Nice-s, i cili ka fituar një vend në kombëtare pas emërimit të Mancini-t si trajner, ka hyrë në dhomë dhe është drejtuar drejt shtratit, aty ku është shfaqur nga hiçi Insigne i cili e ka bërë për “ujë të ftohtë”.
Reagimi i Balotelli-t është shumë interesant teksa me siguri i janë shtuar ndjeshëm rrahjet e zemrës. Edhe telefoni ishte me fat që nuk përfundoi në dysheme. duke njohur tipin e ‘super-marios’ nuk do të vonojë ‘hakmarrja’ ndaj shtatshkurtrit, por fillimisht duhet të presim.
Insigne giving Balotelli the scare of his life ?? pic.twitter.com/0HKgnZ3GEH
— ODDSbible (@ODDSbible) September 6, 2018
(BalkanWeb)