Gianluiggi Buffon luajti dje ndeshjen e fundit me Juventusin duke i dhënë fund një aventure 17-vjeçare të mbushur me shumë triumfe, por edhe zhgënjime siç ishte mos arritja e fitimit të “Championsit”.
Gjithsesi për të thuhet se është një nga portierët më mirë që historia e futbollit ka pasur, për shumë edhe më i miri. Në “Allianz Stadium” dje tifozët nuk janë përmbajtur, duke shpërthyer në lot për 40-vjeçarin.
Shumë vëmendje ka tërhequr edhe djali i tij i vogël, i quajtur Luis Tomas. Ai është kapur nga kamerat teksa dukej me sytë e mbushur me lot, një moment që i ka emocionuar të gjithë.
(e.k/BalkanWeb)