Basketbollisti i Tiranës, Bruno Deliu, është dënuar me përjashtim përjetë nga ana e Federatës së Basketbollit të Shqipërisë. FSHB ka zyrtarizuar vendimin e saj ditën e sotme si pasojë e dhunës barbare që Deliu ushtroi ndaj gjyqtarit Jurgen Muho.


Por nuk përfundon me kaq, pasi Deliu është vënë menjëherë nën arrest nga forcat e policisë së Durrësit, ndërsa rrezikon dhe dënim penal për aktin e tij. Incidenti u regjistrua në Pallatin e Sportit “Ramazan Njala” të Durrësit, ku Tirana po luante në transfertë ndaj Teutës. Deliu nuk pranoi vendimet e Muhos duke e gjakosur dhe shembur përtokë këtë të fundit.



daliu tirana basketboll on Vidnews.

Menjëherë pas ngjarjes së rëndë, pati reaguar edhe Federata Shqiptare e Basketbollit, që e cilësoi “dhunën barbare të ushtruar nga njëri prej lojtarëve të Tiranës kundrejt njërit prej gjyqtarëve të takimit është krejtësisht e pa përligjur, e pa papranueshme dhe thellësisht e dënueshme,” ku deklaroi se “mbështet plotësisht veprimet e Policisë dhe autoriteteve të ligjit, në përputhje me legjislacionin përkatës”.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb