Policia e Shtetit ka publikuar momentet e arrestimit të trafikantëve që janë përfshirë në skemën e trafikut.

Në kuadër të operacionit ndërkombëtar të koduar “ASTROLABIO” u arrestuan 18 shtetas shqiptarë. Operacioni në fjalë është zhvilluar njëkohësisht në tri shtetet.

Gjatë hetimeve të kryera nga Skuadra e Përbashkët Hetimore (JIT) është dokumentuar fakti se pjesëtarët e 4 (katër) grupeve kriminale ushtronin në bashkëpunim ndërmjet tyre aktivitetin kriminal (2 grupe në Itali, 1 grup në Shqipëri dhe 1 grup në Turqi) të kontrabandimit të personave të ndryshëm nga Lindja e Mesme, me destinacion Italinë e Jugut dhe në vijim vende të tjera të BE-së.