Ky është momenti kur shoferi Sadik Përpunja, përplas një 20-vjeçare në vizat e bardha, në rrugën “Ismail Qemali” dhe më pas largohet nga vendi i ngjarjes.

Gazetari Igli Çelmeta raporton për BalkanWeb se e reja për fat të mirë ndodhet jashtë rrezikut për jetën, ndërsa shoferi është arrestuar.

“Si rezultat i veprimeve të shpejta profesionale, është bërë identifikimi i drejtuesit të mjetit, shtetasi S. P., banues në Tiranë, dhe arrestimi i tij, për veprat penale “Shkelja e rregullave të qarkullimit rrugor” dhe “Largimi nga vendi i aksidentit””, thuhet në njoftimin e policisë.