Më shumë se 100 persona kanë humbur jetën nga tornadot që goditën SHBA-të gjatë natës. Guvernatori i shtetit amerikan të Kentucky ka paralajmëruar se më shumë se 70 persona mendohet se kanë gjetur vdekjen nga tornadot gjatë natës.
Sipas medieve të huaja, Guvernatori i shtetit amerikan të Kentucky, Andy Beshear, ka deklaruar se shifra e viktimave mund të rritet, ndërsa i ka quajtur tornadot më të këqija në historinë e shtetit.
Ndërkohë, disa dyshohet se kanë vdekur vetëm brenda një fabrike qirinjsh në qytetin Mayfield.
#BREAKING: Our field crews on the ground in #Mayfield, #Kentucky this evening after a very strong #tornado 🌪️🌪️ ripped through the community.
Officials are working to rescue people in a collapsed candle factory. #KYwx #mayfieldtornado #severe pic.twitter.com/x0u1hT2vdw
— WeatherNation (@WeatherNation) December 11, 2021
Në anën tjetër, të paktën pesë njerëz vdiqën, pasi tornadot shkaktuan kërdi në shtete të tjera, duke përfshirë një në një magazinë Amazon në Illinois.
Siç bëhet e ditur, punëtorët u bllokuan brenda një magazine të Amazon në Illinois pasi çatia e saj u shemb nga stuhitë vdekjeprurëse.
Magazina në Edwardsville në Illinois jugor u dëmtua gjatë një tornadoje të premten mbrëma.