Në një video që po bën xhiron e rrjetit janë regjistruar momentet e fundit të avionit bombarduesit rus Su-34 që u rrëzua mbrëmjen e së hënës para një pallati në qytetin Yeysk, në jug të Rusisë.
Avioni u ngrit nga qyteti Yeisk, pranë kufirit me Ukrainën, të hënën mbrëma dhe u rrëzua pak çaste më vonë, duke derdhur karburant në ndërtesën e lartë dhe duke shkaktuar një zjarr të madh. Gjithsej 15 persona humbën jetën si pasojë e përplasjes.
Të dy pilotët arritën të shpëtonin nga Su-34 përpara se të rrëzohej në tokë, duke kuptuar se një përplasje ishte e pashmangshme. Videoja e publikuar nga Daily Mail tregon momentin kur qytetarët i afrohen njërit prej dy pilotëve në tokë. “A ju qëlluan?” pyet njëri prej tyre, vetëm për të marrë një përgjigje negative nga piloti.
Ushtria ruse tha se motori i avionit mori flakë gjatë ngritjes për një fluturim stërvitor.
Të tjerë, megjithatë, pretendojnë se Su-34 kishte për qëllim të sulmonte Ukrainën, gjë që do të shpjegonte municionet që ajo mbante që shpërthyen gjatë rrëzimit. Qyteti ku ndodhi tragjedia ka dalje në detin Azov dhe i përket rajonit të Krasnodarit, ndërsa ndodhet pranë kufirit me Ukrainën dhe përballë Mariupolit.
(BalkanWeb)
