Dy zjarre të njëpasnjëshme kanë rënë mbrëmjen e sotme në Berat. Fillimisht flakët kanë përfshirë pyllin me pisha në fshatin Galinë dhe pak minuta më pas zonën e kallamishteve në fshatin Moravë.

Në vendngjarje kanë mbërritur forca të shumta zjarrfikësish, që kanë bërë të mundur lokalizimin e flakëve dhe shuarjen e zjarrit.

Sipas Repartit të Shpëtimit nga Zjarri Berat në fshatin Moravë u dogj një sipërfaqe prej 100 metër me kallamishte e ferra dhe në fshatin Galinë 50 metër pyll.

Burime të zjarrfikësve në vendngjarje bëjnë me dije se, në të dyja rastet zjarret kanë qenë të qëllimshme dhe po punohet për identifikimin e autorëve.

  • foto galeri

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: