Ish-trajneri i ekipit të Laçit U-17, Ndue Tarazhi është shoqëruar nga policia mëngjesin e sotëm për t’u marrë në pyetje për dhunën e ushtruar ndaj lojtarëve të ekipit të Laçit U 17.
Në videon e shpërndarë në WEB shihet se trajneri Tarazhi qëllon me radhë futbollistët e tij pas një ndeshjeje ku me sa duket kanë humbur dhe i ka ofenduar ata.
Për këto veprime policia reagoi mënjeherë duke e thirrur Tarazhin, për ta marrë në pyetje dhe për të sqaruar ngjarjen.
“Ti, mirë je? Po ti, mirë je dhe ti? Po ti, ku je? Ata bënë dy gola, dhe i bënë për fajin tënd. Po ti, do me lujt futboll, do me lujt në Greqi? Pisa. S’ju vje turp, maskarenj.
Palaço. Doni me lujt futboll me Laçin. Zagarë. A ju thashë të hyni me mentalitet fituesi? Si jua bëjnë golin ju të dyve? Asnjë nuk i turret topit. A ju kam thënë të bëni regjim 1-ditor? Nuk keni fjetur gjithë natën, rrini nëpër televizor e kafe, nuk ju vjen turp. Ai ekip lask***sh atje, me ju mund ata, mër pisa. Nuk kam çfarë ju them, në dash fitoni, në dash humbni. Pisa. Ju jeni pisa. Dy gola ty t’i kanë bërë. Të dy. Ti i ke ngrënë. Nuk ju vjen turp. Në duel shpejtësie. Çfarë ke që sheh? Ulu aty, se ta marr shpirtin. Ulu këtu, ulu këtu, këtu”, dëgjohet duke thënë Tarazhi.
(BalkanWeb)
