Në “rrjetin” e Policisë Rrugore kanë rënë edhe kamionët. Gjatë mbrëmjes së kaluar, policia nuk ka ushtruar kontrolle në rrugët e vendit vetëm për makinat, por në “filtër” kanë kaluar edhe mjetet e tonazhit të rëndë, që nuk zbatojnë rregullat e qarkullimit rrugor.

Kështu, në një video të publikuar nga policia shihet se jo pak kamionë shkelin rregulluat, duke abuzuar në rrugë. Për këtë arsye, policia ka ndëshkuar me gjobë drejtuesit e 56 kamionëve.

Njoftimi i policisë:

Vijojnë kontrollet permanente nga shërbimet e Policisë Rrugore në të gjithë vendin, për zbatimin e rregullave të qarkullimit rrugor.
Në zbatim të Udhëzimit të Përbashkët të Ministrit të Infrastrukturës dhe Energjisë dhe Ministrit të Brendshëm, nga Drejtoria e Përgjithshme e Policisë së Shtetit dhe strukturat vendore të Policisë janë planifikuar dhe janë marrë masat shtesë gjatë sezonit turistik edhe përkufizimet e qarkullimit të mjeteve të rënda për transportin rrugor të mallrave, në ditët e pushimeve javore dhe festave zyrtare.
Për këtë, Policia Rrugore ka filluar zbatimin e detyrimeve për kufizimin e lëvizjes së këtyre automjeteve duke filluar nga data 15 qershor 2021 deri në 15 shtator 2021.
Në vlerësim edhe të shqetësimeve që vijnë nga qytetarët, Policia Rrugore po ushtron kontrolle për kufizimin e lëvizjes së mjeteve të rënda për transportin rrugor të mallrave përgjatë sezonit turistik.
Si rezultat i kontrolleve, mbrëmjen e sotme janë ndëshkuar me masë adiminstrative nga Policia Rrugore e DVP Tiranë, Lezhë, Durrës, Fier e Vlorë, drejtuesit e 56 kamionëve, me masë administrative 3000 lekë secili.
Policia Rrugore apelon për zbatim me rigorozitet të rregullave të qarkullimit rrugor dhe fton qytetarët të denoncojnë në Komisariatin Dixhital e në numrin pa pagesë 112, çdo shkelje të qarkullimit rrugor, duke garantuar anonimat të sigurt, reagim të menjëhershëm e të paanshëm.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb