TIRANË

Televizion publik në Itali RAI 3 do të transmetojë të mërkurën e ardhshme një dokumentar të titulluar “Narcotica”, dokumentar ky, që në thelb do të  japë fakte të reja mbi fenomenin e trafikut të drogës në Evropën Juglindore, duke përfshirë edhe Shqipërinë.

Në materialin e medias italiane do të flitet për trafikun e drogës, por nuk jepen detaje të mëtejshme në spotin e shkurtër, i cili është shpërndarë nga televizioni në llogarinë e tij në rrjetet sociale. Për këtë ka reaguar edhe ish-deputeti, Luçiano Boçi.

Ai thotë se ky dokumentar do flasë për “Kopshtin e Kanabisit” në Evropën Juglindore, por edhe për bashkëpunimin e trafikantëve me Policinë e Shtetit dhe bandën politike në pushtet, duke sulmuar kështu edhe qeverisjen e kryeministrit, Edi Rama.

“Televizioni italian RAI TRE po shfaq dokumentarin NARCOTICA për trafikun e drogës në Europë! Të mërkurën e ardhshme do flasë për Kopshtin e Kanabisit në Europën Juglindore, për Shqipërinë!
Fakte tronditëse, mbjellje masive, bashkëpunim i trafikantëve me Policinë, shkrirje totale e bandave me bandën politike në pushtet. Kanabis, drogë e krim që prodhojnë vota e Vota që prodhojnë kanabis, drogë e krim.  Kjo është formula “magjike” e pushtetit të Ramës.
Ndiqeni!”- shkruan ai.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb