Protesta të dhunshme janë zhvilluar mbrëmjen e sotme në Athinë për 8-vjetorin e vrasjes së të riut Aleksandros Grigoropulos, që humbi jetën nga dhuna e policisë gjatë protestave në kryeqytetin grek.
Koktej molotovi dhe gurë janë hedhur nga protestuesit në drejtim të policisë, teksa shumë dyqane e makina të parkuara janë shkatërruar.
Më shumë se 3 mijë policë ndodhen në rrugët e kryeqytetit grek. Policia njoftoi se ka ndaluar 18 persona që janë shoqëruar për në mjediset e drejtorisë së përgjithshme të policisë greke.
Situata është tepër e tensionuar në zonën e “Exarcheia”-s, ndërsa policia thotë se nuk do të lejojë shpërndarjen e grupeve të anarkistëve nëpër zona të tjera të qendrës së Athinës.
Aleksandros Grigoropulos ishte vetëm 15 vjeç kur u qëllua për vdekje nga një patrullë policie mbrëmjen e 6 dhjetorit 2008.
(m.k/BalkanWeb)