Atletico Madrid fitoi minimalisht 1-0 mbrëmë në sfidën që skuadra e Diego Simeone-s luajti kundër Deportivo La Coruna-s. Një meritë të madhe për këtë 3 pikësh kishte jo vetëm Gameiro që realizoi golin e vetëm me penallti, por edhe mbrojtësi Lucas Hernández, që ka marrë pozicionin Felipe Luis pas dëmtimit.
Në një moment gjatë lojës, mbrojtësi i majtë, e shpëtoi ekipin nga një sulm i kundërshtarit shumë i rrezikshëm. Sulmuesi i Deportivo-s ishte nisur drejt portës në një kohë kur mbrojtësit e Atletico-s ishin shumë larg, por kjo fjalë nuk ekzistonte për Lucas, i cili me shumë mundësi ka bërë ndërhyrjen e vitit.
22-vjeçari francez nuk u demoralizua por u nis si të ishte një rrufe dhe bëri një ndërhyrje vendimtare që pothuajse vlejti sa një gol. Sipas mediave spanjolle shpejtësia e mbrojtësit në momentin e sprintit ishte 34km/h.
An excellent tackle by Lucas Hernandez! This too can be labeled as great football. It's not only about goals & assists. pic.twitter.com/8UJEZVcecB
— Captain Guardiola ⚽ (@CaptnGuardiola) April 1, 2018
(e.k/BalkanWeb)