Recetë nga zj Katerina
Përbërësit
1 kg spinaq
150 gr djathë kaçkavall të fortë
7-8 feta djathë tosti
3-4 feta pançetë
2-3 lugë vaj ulliri
1-2 lugë gjalpë
1 fetë bukë të thërrmuar ose 2 lugë galetë
Kripë, piper, arrë moskat
Spinaqi lahet dhe lihet të kullojë, më pas e vendosim në një tigan të thellë gradualisht dhe e lemë derisa të ulë vëllimin. E kalojmë përsëri në një kullesë dhe më pas e vendosim në një tas ku shtojmë pançetën të kaurdisur pak, djathin kaçkavall të grirë, kripën, piperin dhe arrën moskat.
Lyejmë një tavë me gjalpë, e spërkasim me thërrime buke dhe vendosim spinaqin duke e niveluar mirë në tavë. Mbi spinaq vendosim fetat e djathit të tostit dhe e vendosim tavën në furrë të piqet në temperaturën 180 gradë për 15 minuta.