Trajneri i kombëtares shqiptare U-21, Alban Bushi publikoi listën me 23 futbollistët që do të ketë në dispozicion për dy ndeshjet e ardhshme, atë miqësore kundër Francës më 5 shtator dhe atë të katër ditëve më pas kundër Austrisë për eliminatoret e Euro 2021.
Bushi vazhdon të besojë te lojtarët që luajnë në vend, ndërsa pjesë e skuadrës kuqezi të 21-vjeçarëve është edhe sulmuesi i Çelsit, Armando Broja.
Tekniku shpjegoi zgjedhjet, ndërsa pasi vlerësoi kundërshtarët u shpreh se skuadra e tij do të kërkojë rezultate pozitive në dy sfidat e shtatorit.
(balkanweb)