Është zbuluar identiteti i një civili ukrainas, i cili u qëllua për vdekje me gjakftohtësi së bashku me gruan e tij nga trupat ruse.
Pamjet me dron dolën nga Ukraina javën e kaluar duke treguar se një grup ushtarësh rusë ekzekutonin një civil të vetëm ukrainas, i cili po përpiqej të dorëzohej.
Sipas raportimeve, burri në video me duart lart ishte Maksim Iovenko, burri i familjes që po përpiqej të çonte gruan dhe djalin e tij gjashtë vjeçar në një vend të sigurt.
“Më vonë ne të gjithë ndaluam dhe pamë që një makinë mungonte. Makina e Maksimit. Në atë makinë ishte Maksimi, gruaja e tij, djali i tyre dhe mamaja ime. Nga ajo që më tha [mamaja ime], Maksimi po kthehej prapa. Maksimi doli nga makina, ngriti duart dhe filloi të bërtiste se në makinë kishte fëmijë. Dhe ata e qëlluan atë”, tha babai i Maksim.
Maksim dhe gruaja e tij u vranë në incident, por djali i tij mbijetoi dhe nëna e shokut u plagos pasi ushtarët rusë i lanë të iknin.
Babai i Maksim, Sergiy Iovenko, përshkroi se ai kishte ende ‘disa shpresë’ derisa pa videon dhe nuk mund ta besonte derisa preku trupin e djalit të tij.
Videoja, e siguruar nga transmetuesi gjerman ZDF dhe e filmuar më 7 mars, tregon një makinë në ngjyrë të argjendtë që lëviz përgjatë autostradës evropiane E40 në perëndim të Kievit.
Makina po shkonte drejt Kievit, por duke parë një tank rus dhe një grup ushtarësh të parkuar në anë të rrugës, shoferi bëri një kthesë të shpejtë para se të frenonte dhe të ndalonte.
Burri doli nga makina dhe menjëherë ngriti duart mbi kokë, duke u kthyer për t’u përballur me ushtarët rusë në një shfaqje të qartë të dorëzimit.
Por brenda pak sekondash ai u qëllua me armë zjarri gjakftohtë.
(BalkanWeb)
