Një zjarr ka rënë sot në mesditë në një magazinë me bojëra në zonën e quajtur “Azotiku”, në Fier. Policia ka shkuar në vendngjarje dhe po heton për shkaqet e rënies së zjarrit, ndërsa zjarrfikësit po shuajnë flakët.
Në videon e siguruar për “BalkanWeb” nga gazetari Ervis Kuçi duket momenti i ndërhyrjes së zjarrfikësve, ndërsa nga godina dalin shtëllunga të mëdha tymi.
Fier
Informacion paraprak
Sot rreth orës 13:30, në zonën e quajtur “Azotiku”, në një magazinë me bojëra të marrë me qira nga shtetasi E.H, ka rënë zjarr.
Nuk ka dëme në njerëz.
Në vendngjarje ka shkuar zjarrfikësja dhe shërbimet e policisë të cilat po bëjnë të mundur shuarjen e zjarrit.
Grupi hetimor po punon për zbardhjen e shkakut të rënies.
(BalkanWeb)