Ka pasur fate të kundërta për Besart Celinën dhe Milot Rashicën derbi i shqiptarëve në ligën e parë holandeze.
Ndërsa i pari i dha ekipit vendas fitoren 2-1 me një gol të shënuar pesë minuta para fundit, Rashica u detyrua të linte fushën e lojës pas vetëm 28 minutash si pasojë e një dëmtimi.
20-vjeçari nga Vushtrria u përplas me një kundërshtar në të 25-n dhe kërkoi zëvendësim pasi nuk mund ta vazhdonte dot lojën.
Ndërkohë, për Celinën ky ishte goli i tretë në kampionat me fanellën e Tuentes.
Pas shtatë javësh, Tuente e sheh veten në pozitën e gjashtë me 12 pikë, +2 nga Viteshe që renditet një shkallë më poshtë.
(el.sp/BalkanWeb)