PRISHTINE – Kryeministri i Kosovës, Isa Mustafa dhe homologu i tij serb Aleksandar Vuçiç, do të takohet më 9 shkurt në Bruksel, për vazhdimin e dialogut Prishtinë-Beograd.
Lajmi është konfirmuar nga zyrtarë të lartë të qeverisë serbe për gazetën “Danas”. Mësohet se në këtë takim do të marrin pjesë edhe ministri i Punëve të Jashtme të Kosovës, Hashim Thaçi, si dhe homologu serb, Ivica Daçiç.
Dialogu do të udhëhiqet nga përfaqësuesja e Lartë e BE-së për Politikë të Jashtme dhe Siguri, Federica Mogherini. Mendohet se çështja e parë në rendin e ditës do të jetë diskutimi për arritjen e një marrëveshjeje për Asociacionin e komunave serbe.
(er.nu/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
