BRUKSEL – Terroristi Salah Abdeslam, i shpallur në kërkim që prej 13 nëntorit, pas kryerjes së sulmeve terroriste në kryeqytetin francez, mendohet se është parë mbrëmjen e djeshme në Anderlecht, 5 kilometra larg Brukselit, me një pamje dhe identitet të ndryshuar.

Mediat kanë publikuar një fotografi të terroristit, me syze dhe kapele, për të siguruar ndihmën e qytetarëve, në rast se ndeshen me të.

Sipas gazetës spanjolle “El Mundo”, terroristi Salah Abdeslam po lëviz me identitetin Yassine Baghli. Ndërkohë sipas “Daily Mail”, xhihadisti po tenton të fshihet edhe nga ISIS, që kërkon ta vrasë sepse ai nuk e ka përmbushur siç duhet misionin e tij në Paris.

Ndërkohë në Bruksel, policia dhe shërbimet sekrete janë mobilizuar dhe po vijojnë punën për të kapur të shumëkërkuarin Salah Abdeslam.
(er.nu/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: