Deklarata e këngëtarit Labinot Tahirit për koronavirusin pak kohë më parë, ku shprehej se virusi është “një gënjeshtër” bëri bujë në media dhe siç duket ende nuk është harruar.

  • foto galeri

Së fundmi Arta Jashari, soprano dhe vajza e Baki Jasharit, kompozitor i njohur në Kosovë, ka reaguar publikisht për të atin që është infektuar nga virusi dhe i ka drejtuar edhe një mesazh këngëtarit Tahiri, përmes një postimi në ‘Facebook’.

Arta tregon se virusi jo vetëm që nuk është gënjeshtër, por prek dhe njerëzit pranë teje, pasi COVID-19 ka prekur dhe të atin, për të cilin po kërkon dhe insulinë.

“Hajde Lab, ma këndo ndonjë këngë se kjo është jeta ime që 3 javë. Edhe unë jam solokëngëtare /muzikante, sikur ti – veç me 3 diploma, 2 prej tyre evropiane. E kam lënë karrierën në Berlin për të kontribuar për Kosovën. Sonte kam dalë me lypë një copë letre për të siguruar insulinë për drejtorin, dirigjentin, kompozitorin, Baki Jashari – babain tim, si qytetar i Republikës së Kosovës”, ka shkruar Arta.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: