Vllaznia kryeson renditjen e Superiores pas gjashtë javësh të luajtura. Kuqeblutë numërojnë 13 pikë në total ku 12 prej tyre janë fituar në shtëpi.

Skuadra e Edi Martini ka shkëlqyer në “Loro Boriçi” deri tani. Të katërt takimet e fituara në shtëpi, ndërsa në total janë shënuar 9 gola dhe është pësuar vetëm 1 ndaj Partizanit.

Lojtari i 12-të, tifozët, i është përgjigjur menjëherë kuqebluve. Dje mund të vëreheshin tifozë të shumtë në shkallët e stadiumit.

Ndeshja e radhës është në transfertë për Vllazninë, pikërisht kundër Bylisit. Megjithatë rikthimi në shtëpi rezervon klasiken. Ndeshja ndaj Tiranës pritet të sjellë kështu një numër rekord tifozësh në shkallët e stadiumit.