Policia e Vlorës njofton se një i ri 25 vjec ka ndërruar jetë në aksident, pasi ka humbur kontrollin e automjetit që po drejtonte.

Ngjarja ka ndodhur në aksin rrugor pranë fshatit Fushë Dukat. I riu u dërgua në spital, por fatkeqësisht ndërroi jetë.

Blutë e qytetit jugor bëjnë me dije po ashtu se edhe një tjetër i ri nga Tirana, ka provuar të bëjë xhiro me parashutë, por se ka rënë nga një lartësi e konsiderueshme, duke marrë dëmtime në trup.

Njoftimi i Policisë së Vlorës:

Vlorë, Himarë

Rreth orës 16:00, në aksin rrugorë pranë fshatit Fushë Dukat, shtetasi R. Sh., 25 vjeç, banues në Korçë duke drejtuar automjetin tip Seat shoqëruar me dy pasagjerë të tjerë, ka humbur kontrollin e mjetit dhe është përplasur me murin anësor të rrugës.

Si pasojë e përplasjes drejtuesi 25 vjeçar ka marrë dëmtime të rënda dhe është transportuar në Spitalin e Vlorës, ku më pas ka ndërruar jetë.

Dy pasagjerët e tjerë ndodhen jashtë rrezikut për jetën.

—-

Rreth orës 13:46, në Qafën e Llogorasë është hedhur me parashutë shtetasi L. A., 39 vjeç, banues në Tiranë dhe është rrëzuar në përroin e fshatit Palasë, ku si pasojë ka marrë disa dëmtime në trup dhe po merr ndihmë mjekësore në Spitalin e Vlorës, jashtë rrezikut për jetën.

Policia po kryen veprimet e mëtejshme proceduriale në lidhje me të dy rastet.

(d.xh/ Balkanweb)