Kuvendi votoi tre dekretet e Presidentit për emërim dhe shkarkim ministrash të kabinetit qeveritar.

Në seancën e sotme plenare u shqyrtua dekreti për shkarkimin si ministre e Financave dhe Ekonomisë të Delina Ibrahimajt, me 105 vota pro dhe asnjë kundër; dekretin e Presidentit për emërimin e Ervin Metes si ministër i Financave dhe Ekonomisë, i cili u miratua me 74 vota pro, 30 kundër; dekretin e Presidentit për emërimin e Delina Ibrahimajt, ministre e Shtetit për Sipërmarrjen dhe Klimën e Biznesit, i cili u miratua me 73 vota pro dhe 30 kundër.

Ndryshimet në ligjin, “Për organizimin dhe funksionimin e Gjykatës Kushtetuese të Republikës së Shqipërisë”, nuk u shqyrtuan në këtë seancë pasi me kërkesë të grupit parlamentar të Partisë Socialiste u vendos që projektligji të shqyrtohet në seancën plenare të radhës.

Vendimi u shty pasi Partia Socialiste nuk arriti në 84 vota për ta miratuar, pasi mungonin kryeministri Edi Rama, Delina Ibrahimaj, Paulin Stërkaj, Bujar Çela, Gerta Duraku.

Ndërkohë që e kundërta ndodhi me marrëveshjen me Gjermaninë e cila u votua nga mazhoranca po ashtu edhe nga deputetë të Bashës.

  • foto galeri
  • foto galeri

Sakaq Seanca plenare shqyrtoi dhe miratoi disa projektvendime për disa ndryshime dhe emërime të anëtarëve të përhershëm në komisionet parlamentare.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: