Partia Demokratike nuk heq dorë nga kërkesa e saj mbi votimin dhe numërimin elektronik për zgjedhjet e ardhshme parlamentare. Sekretari i Përgjithshëm i PD-së, Arben Ristani akuzoi sot mazhorancën se i mungon vullneti politik për realizimin e kësaj kërkese duke mos harruar të shtojë se zgjedhje të lira e të ndershme në këto kushte nuk mund të ketë.
Nga ana tjetër, deputeti i Partisë Socialiste, Taulant Balla është përgjigjur menjëherë duke deklaruar se koha për realizimin e votimit elektronik është e pamjaftueshme.
Ai akuzoi Partinë Demokratike, se kërkesën e vazhdueshme për votim elektronik e ka si alibi për humbjen e zgjedhjeve.
“Nuk ka kohë për votimin elektronik. Komisioni duhet të zgjidhë 4 rekomandimet e OSBE-së. Opozita kërkon pretekst për humbjen e pashmangshme të zgjedhjeve,” tha Balla.
(e.f/ BalkanWeb)