Gjykata Kushtetuese njoftoi mbrëmë pas orës 23 se ka vendosur të rrëzojë vendimin e Kuvendit për shkarkimin e Presidentit Ilir Meta.
Në vendimin e shkurtuar thuhet se kreu i Shtetit nuk e ka shkelur Kushtetutën e për këtë arsye ai duhet të qëndrojë në detyrë deri në fund të mandatit.
Balkanweb njoftoi sot në mëngjes se gjatë votimit brenda Kushtetueses 6 anëtarë kanë votuar kundër
shkarkimit dhe vetëm njëri prej tyre ka votuar pro argumenteve të shumicës qeverisëse.
Burime brenda Kushtetueses bëjnë të ditur për Balkanweb se e vetmja votë pro shkarkimit ka qenë ajo e ish prokurorit Altin Binaj.
Ndërkohë gjashtë anëtarët e tjerë, Vitore Tusha, Elsa Toska, Marsida Xhaferllari, Fiona Papajorgji, Përparim Kalo dhe Sonila Bejtja kanë votuar kundër shkarkimit
(BalkanWeb)