Policia e Himarës jep detaje të reja mbi arrestimin e autorit të vrasjes së biznesmenit Niko Goro.
Policia thekson se i ka gjetur një tjetër armë zjarri autorit të krimit, 53-vjeçarit Kliti Leka.
Himarë/Informacion shtesë
Në lidhje me informacionin e dhënë për kapjen e autorit të vrasjes në Himarë si dhe për gjetjen e armës kallashnikov, ju informojmë se:
Shërbimet e Policisë gjatë kontrollit fizik të autorit kanë gjetur dhe një tjetër armë zjarri të tipit pistoletë, e cila është sekuestruar në cilësinë e provës materiale.
Grupi hetimor nën drejtimin e Prokurorisë po punon për sqarimin e rrethanave të ngjarjes dhe përcaktimin se me cilën prej armëve të sekuestruara, autori ka kryer krimin.
(BalkanWeb)