Policia e Tiranës ka “blinduar” banesat e vëllezërve Griseldo dhe Albano Kusi, të cilët akuzohen për vrasjen e 26-vjeçarit Idrit Çelaj.

Gazetarja Klodiana Lala tha për “BalkanWeb” se policia ka kryer kontrolle të imtësishme në banesat e dy vëllezërve, në kryeqytet. Sipas gazetares Lala, uniformat blu kanë gjetur në banesa armë, në një banesë të vëllezërve Kusi, në fshatin Allgjatë.

26-vjeçari Çelaj u vra me plumb në kokë në banesën e vëllezërve Kusi, në zonën e “Myslym Shyrit”, teksa ishte duke punuar për kondicionimin.

Ngjarja ka nisur me një sherr mes të riut dhe dy vëllezërve, për një kondicioner, ndërsa më pas, vëllezërit e kanë qëlluar punëtorin e tyre, duke e lënë të vetëm.

26-vjeçari u transportua me urgjencë në spital, por nuk mund t’i mbijetojë, duke ndërruar jetë një ditë më vonë. Për këtë ngjarje, policia ka arrestuar disa persona, mes të cilëve edhe babanë e vëllezërve Kusi, ndërsa këta dy të fundit ndodhen ende në kërkim.

(d.ç./BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb