Rreth 1 javë pas vrasjes makabre të 26-vjeçarit shqiptar, Bledar Tërpollari nga Skrapari, në një fshat të Igumenicës, policia greke ka identifikuar një person si autor të dyshuar.

Sipas mediave greke, i dyshuari për vrasjen e shqiptarit është një bari po shqiptar nga një fshat i Janinës, por nuk bëhet i ditur identiteti i tij për shkak të hetimeve. Ndërkaq policia thotë se koka e viktimës nuk është gjendur ende.

Por ndërkaq bariu që punon në fshatrat kufitare të Janinës ka mohuar krimin dhe vrasjen e 26-vjeçarit shqiptar. Ai ka rrëfyer se janë 2 shqiptarë të tjerë autorë të vrasjes dhe se një prej tyre e ka marrë kokën e Bledar Tërpollarit në Shqipëri.

“Nuk jam unë autori i vrasjes, janë dy shqiptarë. Një shqiptar ndodhet në Shqipëri, tjetri në Athinë. Vrasja ka ndodhur për trafik droge. Kokën e ka marrë njëri nga shqiptarët”, ka treguar bariu i shoqëruar.

26-vjeçari shqiptar që u qëllua me një plumb dhe më pas iu pre koka, ka qenë i dënuar më parë për vjedhje në Shqipëri.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: