Një gjykatë në Britani ka lënë ë burg një të re dhe të dashurin e saj, të akuzuar për vrasjen e vajzës së gruas vetëm 3 vjeçe.

Vogëlushja Kaylee-Jayde Priest u gjet e vdekur në një banesë në Solihull, ku jetonte së bashku me nënën Nicola Priest, 23 vjeçe.

E mitura ndërroi jetë nga dëmtime të rënda në zonën e gjoksit dhe barkut. CNN shkruan se më 8 gusht të vitit të kaluar, 23-vjeçarja kishte planifikuar të shkonte në banesën e të dashurit të saj, për të kryer marrëdhënie seksuale, ndërsa vogëlushja Kaylee dëshironte që të luante me mamanë.

Në këtë moment dyshohet se e reja ka vrarë vajzën, pasi kjo e fundit insistonte që mamaja të qëndronte. Për këtë vrasje, e reja është dënuar me 15 vite burg, ndërsa dhe i dashuri i saj është lënë nën arrest.