Amerikani, David Conley, 54 vjeç është dënuar me burgim të përjetshëm nga një gjykatë e vendit, pasi është shpallur fajtor për vrasjen e tetë anëtarëve të një familje në Houston.
Prokurorët nuk e ushtruan të drejtën për të kërkuar dënim me vdekje për Conley, por ata kërkuan që ai të qëndrojë përjetësisht në burg.
Conley u dënua për vrasjet e kryera më 8 gusht 2015 më saktësisht për vrasjen e Valerie Jackson, 40 vjeç, dhe bashkëshortit të saj, Dëayne Jackson, 50 vjeç, në shtëpinë e tyre. Prokurorët e akuzuan atë edhe për vdekjen e fëmijëve – 13, 11, 10, 9, 7 dhe 6-vjeç – Nathaniel, Deëayne, Honesty, Caleb, Trinity dhe Jonah, por ai nuk u gjykua për këto vdekje.
Në një video që u lëshua në gjykatë, kur Conley ishte duke u marrë në pyetje nga hetuesit, ai dëgjohet duke pranuar se e ka vrarë tërë familjen në fjalë.
Sipas autoriteteve, të gjitha viktimat ishin qëlluar me plumb në kokë, pasi Conley fillimisht i kishte marrë peng e më pas i vrau një nga një.
(BalkanWeb)