Presidenti i Serbisë, Aleksandar Vuçiç, ka thënë se Serbia po kërkon lirimin e të gjithë serbëve të arrestuar e cila sipas tij, është mënyra për të qetësuar tensionet në veri të Kosovës.

Pas një takimi të Këshillit të Sigurisë Kombëtare, Vuçiç tha se serbët e Kosovës nuk duhet të përfshihen në dhunë kundër trupave të NATO-s dhe anëtarëve të misionit të Bashkimit Evropian atje.

“Askush, në asnjë rrethanë, nuk duhet të marrë pjesë në sulmet ndaj EULEX-it dhe KFOR-it”, tha Vuçiç, transmeton Klankosova.tv.

Ai më tej tha që Beogradi po kërkon që të deskalojë situatën në Kosovë.