Përveç shumë aplikimeve pozitive, inteligjenca artificiale mund të përdoret gjithashtu për mashtrime, raporton gazeta ”Wall Street Journal”.

Një kompanie britanike i ishte shkaktuar me një dëm prej 200 mijë euro falë një hyrjeje në kompjuterin që imitonte zërin e administratorit të një kompanie gjermane mëmë.

Drejtori i përgjithshëm i filialit britanik mori një telefonatë nga ai që besonte se ishte CEO i grupit, ndërsa në vend të kësaj ai ishte një zë i ristrukturuar në mënyrë të përsosur falë një algoritmi.

“Jo vetëm CEO besoi se njohu theksin gjerman të zërit të shefit të tij’’, shpjegon një zëdhënës i kompanisë së sigurimeve – por ai gjithashtu tha se ”zëri ishte në një mënyrë perfekte me gjithë intonacionet”.

Një telefonatë e parë i kishte kërkuar menaxherit anglez transferimin e menjëhershëm të 220 000 eurove në llogarinë e një furnizuesi hungarez, një e dytë pohoi se pagesa ishte shlyer, ndërsa një e tretë i kërkonte më shumë para.

Në këtë pikë menaxheri britanik hasi në dyshime, por tashmë pagesa kishte marrë rrugën e Meksikës.

Ky është mashtrimi i parë për të cilin ka një lajm që përfshin Inteligjencën Artificiale. (Atsh)