Në Maqedoni “kryefjala” e mediave është bërë një raport sekret i publikuar në faqen e Wikileaks, ku nga të dhënat rezulton se ministri i Jashtëm, Nikolla Dimitrov është agjent i CIA-s amerikane.

Sipas këtyre dokumenteve, të cilave nuk u është identifikuar ende autenticiteti, Dimitrov ka qenë operativ i fshehtë i CIA-s, që ka spiunuar ish-kryeministrin Nikolla Gruevski dhe ish-presidentin Branko Crvenkovski në vitin 2008, transmeton Shqip.

Në atë kohë po zhvillohej procesi i zgjidhjes së problemit të emrit me Greqinë, dhe Dimitrov sipas Wikileaks është evidentuar si burim i mbrojtur i Ambasadës amerikane.

Ministri Dimitrov dhe autoritetet amerikane nuk kanë reaguar për lajmin e shpërndarë gjerësisht në media.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb