Kilian Mbape është një nga futbollistët më të paguar në botë me atë që përfiton dhe sigurisht milionat që siguron nga PSG dhe sponsorët e tij, i mundësojnë që të bëjë një jetë luksi. Një jetë ku ai mundet edhe të shpenzojë shifrat të çmendura për një super-makinë, të cilën nuk mundet ta nisë vetë.

Sipas “GQ”, sulmuesi francez ka kërkuar që të blejë një nga makinat më kërkuara sportive, Ferrari. Atë e kanë tërhequr dy modele, Ferrari 488 Pista dhe Ferrari SF90 Stradale, teksa çmimi i secilës prej tyre është rreth 500 mijë euro. Ai raportohet se ka zgjedhur një nga këto modele, që do të jetë makina e tij e re, por për të cilën i duhet ndihmë.

Problemi është se Mbape, ndonëse 24-vjeçar, nuk ka ende patentën, pasi nuk ka bërë kurrë kursin për të drejtuar makinën. Lojtarin e sjellin dhe e marrin në stërvitje familjarët, miqtë apo shoferi personal që ka prej vitesh, të cilët me siguri do të jenë ata që do të shoqërojnë Mbape në udhëtimet e tij me makinën e re.

(BalkanWeb)